قال الجمل دام انا بالمعرفه ضـــــاهر
لا بد مجعل على سير الحيـاه مشوار
ازور دار الوفــــاء ذي بالـكرم عــــامر
على سبيل الشهامه قـط مــــا يحتار
درع الـمــهــام الكبيره مـــا نـراه عاثر
رجال سلاحه ومعروفه رجــال احرار
القبيله مـيـزته في دربــــهـــــا عـــابر
وكلمته لا نطقها بــــــــه لــها معيــــار
ابو محمد ســــلاحي قــــرت النــاضر
درعي لوقت المهام لا قلت يـابه غـار
اهديه من العطر ذي يسلا له الخـاطر
والورد والفل ويوصل له سلامي،حـار
تخبره كيف وضــعـه ويش،ذي ساير
من ماسمعناه يشكي من عنا واضرار
تشوف دعـواه وقله مــا طلب حاضر
نعلي كــلامه ومـــا قاله علينا ســــار
لن طاعته قد فرضها الـواحــد القادر
عظيم رحـمــن بامره كل طـــاير طار
لو كــان غيره بقوله ذي وصــل جاير
ما رد له راي ولا قله يـشــوف وختار
لاكن له الــحـــق وما ينطق نقل سابر
صلح ذي اشتيك وفعل للجميع تذكار
والان قلي بـشــورك في زمـــان غادر
خلا محـمد يعيش به كل يـــوم منهار
امسي،بحاله حـــزيـــنه مرتبك ضاجر
مــن فرقت البيت قلبي يشتعل بالنـار
ولاكن الله يـجـــزي كل شـــاب صـابر
في،غربته عاش يحمل بردهــا والحار
حزين مبهذل لحاله كل يـوم ضـــاجر
والشوق يزداد معيــا كـل ســـاع للدار
ياويل مـن عـاش مثلي حـــامل الزائر
ينـوم في هــم ومـــاشي له بها مقدار
ذا كان وحـده طرح يــده على الصابر
يشكي بحـاله لذي هـو في السما قهار
وحين يرا الناس يضحك بالفرح طاير
ومـــن تحبر عليه قال نحـــمد الجبار
وهكذا كل واحـــد في الزمـان عـــابر
الجيد مـن افلح في اقواله بالاستغفار
ختم الرساله معاك ياطير عطور فاخر
لكل.ربعي.والاصحاب.والنسيب. والجار
وتطلب العـفـو اذا انــا بـــحـدا قاصر
عن المغيبه ومـــا يـــوم نلفت الابصار
هو من بلا الوقت خـلا كل جـيـد عاثر
الليث بقي ثعل والذيب يفتجع من فأر
والختم صليت عــدد مـا يـذكر الذاكر
وما رعد رعـد وتسبل بــعــده الامطار
على الرســــول الكريم الطيب الطاهر
شفيعنا يوم نحشر مــن عــــذاب النار
