يا الله يا من لك القدره وشان
اسالك الستر في وقت المحن
ياعالم الغيب وفي يدك بيان
كتاب يحكي مـقـــادير الزمن
تعينني وعفني في كل آن
ولطف بني يوم يكسوني كفن
والان يا مرحــــــبـا بالميلوان
ما البرق يلمع وبـعده رعد حن
حيا ملان عنس وآنس لاخبان
المقدشـي ذي يفسر كـــل ضن
اوصلني ابيات مثل الزعفران
والماس مـايوم يبخس به ثمن
يصح قوله وحــرفه واللسان
وصح روحــــه وقلبه والبدن
يستاهل الرد ولو نجلس ثمان
اواصف ابيات بوزنه ذي، وزن
هو الوحيد ذي تعلا له مكان
حبه بقلبي كما حــــــب اليمن
اليوم نبدع حـروف الاقتران
من اجل تضهرلنا اصحاب الزين
لاصاحبك يازميل بالغرم عان
يوقف معاك بالحروب ضد الخون
سيفه بيده وراكب للحصان
يشد ضهرك ولاشي، سر كن
يبقا معاك في يسارك واليمان
ويجرع الخصم لاجالك حقن
هذا هو الجيد والشهم العنان
مايقبل الذل ولا يوم ارتهن
والفسل .ياخوك .ذي ،للعهد خان
وبادل الطيب والمعروف بمن
قد باع عرضه وماله وستهان
وبصفحة العز ماشي له مكن
يعيش مخرف وينولها جنان
محد يسمع كـــلامه لا رطن
مايوم رجح ولا بالجود زان
وعند وزن الرجاله موتزن
وادانه الليل بالقيفان دان
هذا المثل بعلنه لجلك علن
مادمت فلاح ومجرانك ملان
لاتخزن الحب ذي قد فيه غفن
وختم الاقوال يبن الجود حان
نخص بالحرف مــن هــد الوثن
عليه صليت مــاشــــن المزان
وما يسيل سيل في وادي جبن
الشاعر محمد الجمل